Os Biocos

SpaceCamp: en que consiste?

O SpaceCamp é un proxecto de divulgación científica con formato de campamento de verán, onde a ciencia en xeral e a astronomía en particular teñen un especial protagonismo. Os participantes aprenderán, divertiranse, descubrirán, interactuarán e verán con outros ollos o seu contorno e, sobre todo, o ceo. Dende un punto de vista údico e didáctico ao mesmo tempo, xogos, obradoiros e actividades interactivas estarán monitoradas por profesionais no campo da pedagoxía e especialistas con ampla experiencia en astronomía, orientación, interpretación da natureza.

Todo esto a través de xogos, obradoiros, actividades interactivas monitoradas por profesionais no campo da pedagoxía e con especialistas con ampla experiencia nas actividade que ofertamos (astronomía, orientación, interpretación da natureza...).

Descrición

SpaceCamp: campamento temático centrado na astronomía e na ciencia. As persoas asistentes contarán coa posibilidade de descubrir actividades moi novedosas e de realizar observacións astronómicas cun material ao alcance de pouca xente. Entre outras:

• Observacións nocturnas, con aprendizaxe de manexo de telescopios de aficionado.
• Observacións diurnas, con telescopios solares en H- alfa.
• Seguemento en visual e vídeo de satélites artificiais. Análise de fotografía meteorolóxica.
• Interpretación de imaxes planetarias. Elaboración de maquetas topográficas da Lúa e Marte.
• Maquetas de naves espaciais.
• Iniciación á astrofotografía.
• Construción de reloxos de Sol.
• Cohetes de auga e cohetes de astromodelismo.
• Recepción de datos de satélites.
• Construción de radiotelescopio caseiro.
• Manexo dun planetario dixital.
• Introdución á astrobioloxía.
• Elaboración de documentos con formato de artigo científico.
• Mantemento de blogue da actividade.   
• Cine espacial e simuladores para os días de mal tempo.

Como en todos os nosos campamentos, os aspectos educativos e convivenciais tamén serán relevantes. A nosa empresa aposta pola educación en valores nos campamentos.

• Bicicleta de montaña.
• Xeocaching ou busca de tesouros con GPS.
• Tiro con arco.
• Sendeirismo, visitas pola zona, piscina...

Datos técnicos

Lugar: Albergue dos Biocos de San Xoán de Río (Ourense).

Datas: mes de Xullo e Agosto.

Idades: de 9 a 17 anos, con actividades por idades.

Duración: 13 días (12 noites).

Instalacións do Albergue Os Biocos

• Habitacións con liteiras múltiples de distinta capacidade (de 6 ata 20).
• Salas para actividades e xogos (Casa dos Amigos).
• Laboratorio científico (Casa da Ciencia)
• Observatorio astronómico (Casa das Estrelas)
• Aula da natureza.

Quendas

• Quenda da Lúa: Primera quincena de xulio.
• Quenda de Saturno: Segunda quincena de xulio.
• Quenda da Vía Láctea: Primera quincena de agosto.
• Quenda das Perseidas: Segunda quincena de agosto.