Campaña Escolar 2011/12

[Excursión escolar ao Albergue Os Biocos]

Para ciclo de primaria, secundaria e bacharelato.

Aloxamento con pensión completa (90 prazas)
Conexión wifi gratuíta
Laboratoriodeciencias
Programadeactividades personalizado (xeocaching, orientación, roteiros, BTT, xogos tradicionais, teatro sombras, xogosderol, astronomía)
Espazosdereunión, xogos, audiovisuais, pinpon.
As/os monitoras/es poden subir co grupo dende Ourense e aproveitar a viaxe para realizar visitas didácticas a:

[MosteirodeMontederramo] [CastelodeCastro Caldelas] [Ponte do Bibei da Vía Nova].

· Prezos económicos por nena/o.

Por qué ORGANIZAR a excursión de fin de curso no Albergue dos Biocos?

Porque para as persoas que traballamos nos Biocos, cada grupo de escolares é un proxecto singular con formato de campamento educativo; con actividades enmarcadas sempre no respecto ás persoas e ao contorno, sen esquecer a parte lúdico-didáctica da excursión. Altega – Educación e Lecer organiza profesionalmente campamentos dende fai 10 anos. Durante o verán de 2011, xestionamos 4 albergues xuvenís da Dirección Xeral de Xuventude (Xunta de Galicia).

Cales son os OBXECTIVOS das nosas actividades?

Fomentar valores, actitudes e hábitos positivos cara ao medio ambiente.
Achegar o entorno da montaña galega ás persoas participantes nas actividades: nenas/os de entornos urbanos, do litoral galego, de vilas costeiras, do interior.
Potenciar aspectos educativos e convivenciais para que a experiencia resultante da convivencia sexa beneficiosa para o grupo.

ACTIVIDADES PRINCIPAIS

O programa está aberto ás indicacións do centro. Normalmente inclúe:

Obradoiros científicos: achegamento lúdico á Ciencia con materiais caseiros.
Sendeirismo: rutas de interpretación do patrimonio natural e cultural da zona.
Tiro con Arco: dentro do recinto de 5 ha que ten a instalación.
Xeocaching: busca do tesouro mediante técnicas de orientación clásica e moderna, coa axuda do GPS.
Observacións astronómicas: a simple vista e con telescopio.

ACTIVIDADES COMPLEMENTARIAS

Obradoiros de expresión plástica, teatro de sombras e xogos de rol.
Veladas todas as noites.
Elaboración de enredos (xoguetes feitos á man) e xogos tradicionais.
Bicicleta de montaña: rutas.

LUGAR DE REALIZACIÓN

No Albergue dos Biocos, a 1.005 metros de altitude, no concello de San Xoán de Río, nas Terras de Trives, perto dunha chea de recursos naturais e de testemuñas arqueolóxicas. O albergue é, en sí, un mirador natural. [+ info www.osbiocos.com]

CONDICIÓNS XERAIS E DE RESERVA

Aloxamento con Pensión Completa (90 prazas).
Programa de actividades personalizado.
Conexión wi-fi gratuíta.
Cociñas dos apartamentos dispoñibles para os acompañantes.
Espazos de reunións, xogos, audiovisuais, pinpón.
O transporte corre a cargo do centro educativo.
Cada participante deberá levar saco de durmir e toalla.
Reserva da data da excursión: pago de 100 € como compromiso.
Un mes antes da excursión, ingreso do 20% do total por adiantado.
Condicións válidas ata o 10 de novembro de 2011.

* Consulte as súas dúbidas no 988 391 389 – 988 346 204.